انسانیت؟

بلا عنوان

اوّل تو آج کا دن بہت عجیب تھا، انتہائی عجیب۔ شام جلد گھر واپسی کا ارادہ تھا لیکن کمپنی کی بس نے چَھٹی کا دودھ یاد دلادیا۔ لگتا تھا تاقیامت انتظار کروائے گی۔ بہت دیر ہوچکی تھی، اسلئے ایک خاصی ہوٹل کا رخ کیا۔ اس سے پوچھا "حلال"(کِیا گیا گوشت) ملے گا؟ وہ حلال تک سمجھ نہیں سکا۔ کیوں سمجھے، ہماری اوقات ہی کیا ھے! چلا آیا منھ اٹھاکر حلال کھانے!!
یہی حال خود "حلال خوروں" کا بھی ہے۔ خاص طور پر لکھیں گے "نو بیف" (مجھے اعتراض نہیں)۔ میں نے پوچھا "حلال" بھی کیوں نہیں لکھتے، کہا جاتا ہے "سِکھ بھائی" نہیں کھاتے۔
آج ہوٹل کی میز پر میں یہی کوشش کرتا رہا کہ کیسے حلال اور حرام کی تمیز پر قابو پاؤں اور آزاد ہوجاؤں جو ایک بوجھ بن چکا ہے۔

میں ایک عرصہ تک بلاگ سے غائب رہا، بالکل بے خبر۔ آج سیارہ کھولا تو انکشاف ہوا کہ سیارہ کو کسطرح پراگندہ کیا گیا ہے۔ میرے لئے معاملہ کی تہہ تک جانا فی الوقت ممکن نہیں۔ صرف اتنا کہوں گا کہ انصاف کا تقاضہ مندرجہ ذیل طریقۂ کار پورا کر نہیں سکتا؛

مہذب اور با اثر لوگوں کا طریقہ:
میرا ری ڈِف مِیل پر ایک کھاتہ تھا اور وہی کھاتہ میں نے ایک فِری اِسپیچ (زباں درازی؟) فورَم (آؤٹ لُک انڈیا ڈَوٹ کَوم) پر استعمال کیا تھا۔ کسی خبطی نے کئی بار ایسے نازیبا کلمات ایک عرصہ تک استعمال کیے کہ میں نے بے قابو ہوکر اسی شدّت سے جواب دیا، لیکن علاوہ لوگوں سے پیشگی معذرت بھی چاہ لی۔
میرا جواب دینا تھا اور آزادئ اظہار ِ خیال نے یک لخت دم توڑ دیا، آزادی کی روح فنا ہوگئ اور بالائے طاق رکھی تہذیب فعال ہوگئی۔ میں فورم سے نکال دیا گیا (جو میں چاہتا ہی تھا)۔ یہی نہیں میرا ری ڈف کھاتہ تک بند کروادیا گیا۔
میں ابھی تک یہ سمجھنے سے قاصر ہوں کہ ایک فورم والے کسی اور ای میل سروس سے ایسا کام کیسے کرواسکتے ہیں۔ کیا جانے مانے اخبارات کے فورم چند قسم کے لوگوں کو خاص طور پر پھانسنے کیلئے بنائے جاتے ہیں؟
آج بھی وہ اور اس جیسے کم ظرف وہاں زہر اگلتے پائے جاتے ہیں۔ فسطائیت کا دور دورہ ہے۔ صحیح اور غلط صرف نظریات بنادئے گئے ہیں۔

جیسے آج "حلال" کا لحاظ ترک کرنے کا ارادہ ہوا تھا، کچھ وہی جذبات اردو بلاگ بھی ترک کرنے پر آمادہ کررہے ہیں۔

آخر میں یہ کہ وہ مسلمان جو دہراتے رہتے ہیں کہ "چند کی حرکت کی وجہ سے سبھی کو بدنام" نہیں کیا جانا چاہئے، یہ بھی سمجھ لیں کہ اِس خیال کا مذاہب کے ساتھ ہی قوموں(ہندوستانی، پاکستانی) پر بھی اطلاق کیا جائے۔

ثبوت

بمبئی میں وحشیانہ بم دھماکوں اور اس کے بعد کی مسموم فضا سے متاثر ہوکر

پابندی

بمبئی عظمٰی میں دہشت ناک بم دھماکوں کے طفیل بلاگ اسپاٹ پر پابندی عائد کردی گئی ھے۔
یہ پابندی بروز پیر بمطابق ١٧؍جولائی ٢٠٠٦ کو غالباً اچانک ظہور پذیر ھوئی۔
اگر آپ اس پابندی کو نظر انداز کرکے بلاگ اسپاٹ تک رسائی چاھتے ھیں تو یہ کام کسی مخفی طریقۂ کار کو اپناکر کیا جاسکتا ھے؛ مثلاً
http://www.surfola.com
http://www.anonymizer.com
http://www.shysurfer.com